Kajakkskulen 2026
9.-11. august 2026
Kajakkskulen 2026 er for deg mellom 8 og 15 år - som likar å vera ute og vil læra å padla og ha det kjekt saman med andre ungdomar nokre dagar.
Om Kajakkskulen
2026:
9. - 11. august
Kajakkskulen er ein 3-dagars camp for deg mellom 8-15 år som likar å vera ute og i aktivitet i naturen. I år flyttar me til Norsk Folkehjelp Årdal si hytte “Jotnavåken” på Tyinosen. Så årets kajakkskule vil føregå 1000 moh!
På Kajakkskulen får du læra å padla og å driva friluftsliv i tilknyting til fjellet og vatnet. Hovudmålet er å læra å padla og ha det kjekt saman med andre i naturen.
Dag 1
10.00: Innsjekk og fordeling av rom
11.00-12.00: Bli kjent og utlevering av utstyr
12.00: Lunsj
13.00-16.00: Introduksjon til padling
16.00: Middag
18.00: Fritid / sosialt
22.00: Leggetid
Dag 2
09.00: Frukost
10.00-12.00: Gruppeaktivitetar SUP / kajakk
12.00: Lunsj
13.00-16.00: Gruppeaktivitetar SUP / kajakk
16.00: Middag
18.00: Fritid / sosialt
22.00: Leggetid
Dag 3
09.00: Frukost
10.00-13.00: Gruppeaktivitetar SUP / kajakk
13.00: Lunsj med avslutting
14.00: Utsjekk og avreise
Overnatting & mat
Me overnattar to netter på Norsk Folkehjelp Årdal si hytte “Jotnavåken” på Tyinosen. Me et frukost, lunsj og middag i fellesskap (barnevenleg meny) og lagar til enkel kiosk om kvelden fredag og laurdag.
Pris
KR 2600,- pr pers for sjølve Kajakkskulen.
Overnatting og mat kjem utanom og kostar kr 1400,- pr person for 2 netter med måltid i tre dagar inkludert.
NB! Bindande påmelding, og avmelding må skje tre veker før kurrstart for å unngå å måtta betala.
Betaling
Overnatting og mat (kr 1400,-)
Kajakkskulen (kr 2600,-)
Betal etter motteken faktura.
Kva lærer du?
Du vil læra å padla og å ferdast trygt på vatnet. Du vil få ny kunnskap om friluftsliv og sporlaus ferdsel. Hovudmålet vårt er at me skal ha det moro saman med andre medan me lærer noko nytt.
Kva må du ta med?
Minst 2 sett ullundertøy og ullsokkar
Gode klede og gode sko
Innesko
Vassflaske
Solbriller/caps
Varme klede
Regnklede
Liten ryggsekk (om du har)
Tannkost, tannkrem & sjampo
Handklede
Pengar til kiosken
Badeklede
Tursko
Turklede
Sovepose (gi beskjed om du ikkje har!)